لمن فقدتهم هذه الأرض ولمن داعبونا حتى أبكونا برحيلهم أقول ..
يقولون البعيد بـ
عيد
ولا ندري من اللي يحتري الأعياد ياحظي !
انا
.. ولا حنيني
او شقى التنهيد ؟
سنين طوال ياعيدي
سنه تتلي سنة
تتلي سنة
والناس تتعايد
وانا عيدي . .
سنة تتلي سنة
تتلي سنة
وافقد بهم واحد
........... واقول ان البعيد بعيد !
حكاية شرحها بيزيد ،
ياذكرى مورقة بالحيل
انا والليل
واطراف الزوايا
نشتكي لـ الليل !
انا والليل
واطراف الزوايا
نشتكي بـ الحيل !
هنا كانوا لنا ضحكة
هنا كانوا لنا احساس
هنا كنت ارتمي باحضان كل العيد يايمّه
ياكل الناس
وش حال الشوارع والظلام يزيد ؟
وش احوال الدموع اليا سبقها زفرّة وتنهيد
بعد كل السنين اللي مضت بأقول لـ اعيادي
انا والعيد ماظني احد منّا يظلّ بـ
عيد
تجي والناس تقبل والفرح طاريك وتعايد
تكبّر والمدى صوتك وانا فرحان بأعيادي
الا يانكهة اعياد الزمان الغابر الجاحد
اشوفك في تفاصيلي اذا كان المسا هادي
ياكل العيد يادمع الحنين اللي فقد واحد
عساك بخير والدنيا تصير اجمل من العادي
عساك بخير ياكل الوجود بدمعة الفاقد
وانا والله من بعدك ب وادي وفرحي ب وادي
همسة | ..
ترا دمعي هنا فرحة
اترجمها من الأعماق
اداعبها بحنيني والذكر يحتاج لأحساسي
وانا والله يايمّه
حظيظ وممتلي بأشواق
عسى ربي يديمك نعمتى لايابعد راسي
[جوري] [ 18/09/2011 الساعة 8:35 صباحاً] 
