ياعتمة الدنيا اذا غاب سلطان  «^»  سكّر الأشياء  «^»  ياكل العيد  «^»  تذكار  «^»  من يدري  «^»  مدّ لي كفّيك  «^»  مشتاق لي ؟  «^»  فـ السفر  «^»  بعد جدّه .. ارجع بسرعه فديتك  «^»  غصن الرجا جديد المقالات

المقالات
قصائد نصيه
غصن الرجا


مدخل | ..
ايا مسكين .. تشوف شلون جرحي عانق السكين ؟
من الأوجاع زحمة والبشر دمعاتهم ثنتين .. هنا دمعه تناثر في يدي والثانية بعدين
ايا مسكين ..!


ذابلٍ غصن الرجا وضاع الطموح
وضاقت الدنيا على روح الرفيق

فاحت همومي مع الأيام فوح
لين ماضيعت يادربي الطريق

رغبتي والليل واحلامي تنوح
والعتب ليمن تربّع في طويق

صوت يملاني من الاحساس روح
راح واحساسي غدا كنه عويق

الجموح اللي معي ماهو جموح
اكبت جماحي وانا بحري عميق

امتلت كل المحاني بالجروح
الصدر كل يوم عن ثاني يضيق

وحدتي والليل وهمومي ذبوح
تذبح افكاري ولا اقدر اطيق

لاتعاتب وحدتي ماني شفوح
لاتجادلني وانا بدمي غريق

ياثمر نابت على ذيك الصروح
مادريت اني وانا غافي افيق ؟

حيل محتاج لثباتي في وضوح
ماقدرت اجمع شتاتي والبريق

ذابلٍ غصني ولا أدري وين اروح
مير يادنيا العتب وين الطريق




.. | مخرج
ايا مسكين ! جرحك علمك تمشي هنا بشويش
وحيد ومامعك حاجة من التطنيش .. ايا مسكين ..!

نشر بتاريخ 18-01-2011  


أضف تقييمك

التقييم: 6.82/10 (1119 صوت)


 

Powered byبرنامج الموقع الشامل انفنتيv2.0.5
تصميم وتطوير : المصمم فارس